იმ ფონზე, როცა ქვეყანაში ასი ათასობით სოციალურად დაუცველს ყოველდღიურ პრობლემებთან ბრძოლა 180 ლარიანი პენსიით უწევს, პირველადი მოხმარების პროდუქტები ყოველდღიურად ძვირდება. პურზე ფასებმა დღეს 10-15 თეთრით იმატა. რა იწვევს პროცესს ?
თუ კი ამ სახეობის პურს 60 თეთრად ყიდულობდით, დღეიდან მისი საფასური 10-15 თეთრით გაიზარდა. ამ ეტაპზე მხოლოდ ოთხი დასახელების პური გაძვირდა, მაგრამ მეწარმეები ვარაუდობენ, რომ ხვალიდან, 355 გრამიანი ამ სახეობის პურის ღირებულებაც მოიმატებს და 60, ნაცვლად 75 თეთრი ეღირება.
მეწარმეების თქმით, პურზე ფასის ზრდა ბაზარზე ხორბლის ხორბლის მომატებულმა ფასმა განაპირობა. ისინი ახლა ხორბალს 37-ის ნაცვლად 48 ლარად ყიდულობენ. კომპანიები პურის გაძვირებას მომავალშიც არ გამორიცხავენ.
პურზე ფასების ზრდამ მომხმარებლის უკმაყოფილება უკვე გამოიწვია. მათი თქმით, ეკონომიკურად შეჭირვებული მოსახლეობა შიმშილის ზღვარზეა. მიაჩნიათ, რომ ხელისუფლებამ კერძო ბიზნეს ხელი უნდა შეუწყოს, ამასთან პირველადი მოხმარების პროდუქტზე ფასების ზრდა არ დაუშვას.
გარდა, ფასები ბოლო 15 დღის განმავლობაში სხვა პროდუქებსაც მოემატათ. ზეტი, ბრინჯი, კარტოფილი, ხახვი, ყურძენი, კომბოსტო ეს არაერთი ჩამონათვალია იმ პროდუქტების, რომელთა ფასი 30 თეთრიდან 1 ლარის ოდენობით მოიმატა. მოვაჭრეები ფასების ყოველთვიურ მატებას დოლარის კურსს უკავშირებენ. ისინი მომხმარებლის სიმცირეს უჩივიან.
პურის გაძვირების გამო, მამუკა ბახტაძე პურპროდუქტების ბაზარზე არსებული ვითარების უმოკლეს ვადაში შესწავლას ითხოვს - ამის შესახებ პრემიერ-მინისტრმა მთავრობის სხდომაზე განაცხადა. მისი თქმით, საქართველო არის საბაზრო ეკონომიკა, თუმცა არასამართლიანი კონკურენციის კეთების საშუალება არავის ექნება.
საქართველოს სტატისტიკის ეროვნული სამსახურის მონაცემების მიხედვით, პურ-პროდუქტებზე ფასების მნიშვნელოვანი მატება მიმდინარე წლის ივნისიდან ფიქსირდება. ნოემბერში წინა თვესთან შედარებით ინფლაციის დონემ საქართველოში 0,7% , ხოლო წლიური ინფლაციის დონემ 1, 9% შეადგინა.
4
s
s
s