09, მარტი 2017 17:29:00
ახალი პოსტი ბათუმის მერიაში და სპეციალისტი ხმაურიანი წარსულით. თებერვლიდან მერიაში დიასპორებთან ურთიერთობის სპეციალისტი დაემატა. კადრი გიორგი ერმაკოვმა უფლებამოსილების ფარგლებში, კონკურსის გარეშე, ხელშეკრულებით დანიშნა. პოსტი შორენა მირცხულავამ დაიკავა, რომელიც წარსულში ჟურნალისტად მუშაობდა, ბოლო პერიოდში კი იყო „ქართული ოცნების“ აქტივისტი და ფოთის მერის თანაშემწე მედიასთან ურთიერთობის საკითხებში. შორენა მირცხულავას სახელს უკავშირდება არაერთი ხმაურიანი ინცინდეტი, რაზეც მასალები ინტერნეტ სივრცეში მრავლადაა. ფოთში მას ახასიათებენ როგორც კონფლიქტურს, შანტაჟისტსა და აგრესიულ პიროვნებას-ამას ჩვენთან საუბრისას მასთან კონფლიქტში მონაწილე მხარეებიც ადასტურებენ. მათივე თქმით მას ბრალი წაყენებული ქონდა ხულიგნობის მუხლითაც, არის ნასამართლევი და პასუხისმგებლობისაგან გათავისუფლებულია ამნისტიის შედეგად. საუბარია ისეთ შემთხვევებზე, როგორიცაა შელაპარაკების ნიადაგზე მანქანით დაჯახება, ადამიანის დაკბენის ფაქტები და სხვა. თავად მირცხულავა მასზე გავრცელებულ ფაქტებს უარყოფს. აცხადებს, რომ პირადი კონფლიქტების საფუძველზე თავად მას ესხმოდნენ. მისივე თქმით ის არც ნასამართლევი არ არის. ვრცლად თემასთან დაკავშირებით იხილეთ მომდევნო გამოშვებაში.