01, თებერვალი 2019 20:01:00
დასაქმებულები უფროსის წინააღმდეგ. სანდასუფთავების თანამშრომლები ხელმძღვანელის შეცვლას ითხოვენ. რატომ არ სურთ მეეზოვეებს ლევან ძიძიგურის მითითებების შესრულება ? და რატომ არ ჰქონდა უთანხმოპების შესახებ ინფორმაცია ბათუმის მერს ?
აქ, უკმაყოფილოდ დარჩენილი ბათუმის მერიის სანდასუფთავების სამსახურის თანამშრომლები უფროსის სამსახურიდან გაშვების მოთხოვნით შეირკრიბნენ. მეეზოვეები ირწმუნებიან, რომ ლევან ძიძიგური თანამშრომლებს ავიწროვებს და სიტყვიერ შეურაცყოფას კი აყენებს.
სანდასუფთავების სამსახურის თანამშრომლები ორგანიზაციაში წლებია მუშაობენ, თუმცა მსგავსი ტიპის დაპირისპირებას ვერც ერთ უფროსთან ვერ იხსენებენ. კონფლიქტიმ მას შემდეგ დაიწყო, რაც აღმაშენებლის უბნის ხელმძღვანელის მოადგილედ ლევან ძიძიგური დაინიშნა. მათივე თქმით, იგი სამუშაოს შესრულებას გადაჭარბებით ითხოვს.
ბათუმის მერიის სანდასუფთავების თანამშრომლები უფროსის მიმართულებით კიდევ ერთ ბრალდებას ახმოვანებენ. ამბობენ, რომ ლევან ძიძიგურს მათი ჯგუფის ხელმძღვანელის სამსახურიდან გათავისუფლება სურს, თუმცა მიზეზები მათთვის გაუგებარია.
თანამშრომლების ბრალდებას უარყოფს ლევან ძიძიგური. ირწმუნება, რომ სამსახურეობრივი დატვირთვის ზრდა ქუჩებზე სარეაბილიტაციო სამუშაოებმა გამოიწვია.
ბათუმის მერი უკმაყოფილო თანამშრომლების შესახებ ინფორმირებული არ აღმოჩნდა. ლაშა კომახიძემ თქვა,რომ მათ მოთხოვნებს გადახედავს.
ბათუმში 480-მდე უბანია, რომელზეც 19 ჯგუფი ზრუნავს. სანდასუფთავების სამსახურში 550-მდე მეეზოვეა დასაქმებული. ისინი ქალაქის სისუფთავებაზე ზრუნვას დილის 5 სააათზე იწყებენ. მათ 9 საათიან მუშაობას კი მუნიციპალიტეტის მერია მხოლოდ 330 ლარით ანაზღაურებს.