60 წლის ექიმი, რომელმაც განვლილი ცხოვრების ნახევარი მედიცინას მიუძღვნა. რეგიონში მოღვაწე ონკო-ქირურგს დღეს პროფესიაში შეტანილი წვლილისთვის სიგელი გადასცეს. გზა წარმატებამდე და სირთულეები, რომელიც ამ გზაზე გადალახა.
ონკო ქირურგი ახლა თავის გუნდთან ერთად, თითოეული პაციენტის ჯანმრთელობის მდგომარეობას განიხილავს და რეკომენდაციებსაც გასცემს. მისთვის ყველაზე დიდი გამარჯვება პაციენტის გამოჯანმრთელება და ბინაზე დროული გაწერაა, თუმცა შედეგი ყოველთვის დამაიმედებელი არ არის.
ონკო-ქირურგიის დეპარტამენტის ხელმძღვანელი - მედიცინის დოქტორი, სამედიცინო დაწესებულებაში 1991 წლიდან მუშაობს. მანამდე იყო ხანგრძლივი სამედიცინო სფეროში სასწავლო და პრაქტიკული სამუშაო პროცესები.
28 წლის განმავლობაში ფინანსური თვალსაზრისით იყო სირთულეებიც. მაშინ, როცა დაწესებულებას დამოუკიდებლად არსებობა უჭირდა, ექიმისა და მისი გუნდის შრომის შედეგად გამოსავალს ყოველთვის პოულობდნენ.
სამედიცინო მომსახურების სფეროში შეტანილი წვლილისთვის ონკო ქირურგს სიგელი აჭარის ჯანდაცვის მინისტრმა გადასცა. მემედ ჯინჭარაძე დღეს 60 წლის გახდა.
მემედ ჯინჭარაძე ბათუმის შოთა რუსთაველის უნივერსიტეტში სამედიცინო სფეროში სტუდენტებს ასწავლის, მათ საშუალებას აძლევს, თეორიული ცოდნა პრაქტიკითაც გაიღრმავონ.
8
s
s
s