16, მარტი 2017 20:35:00
ჩაქვში მდებარე წმიდა კეთილმორწმუნე მეფე დავითის სახელობის სკოლა-გიმნაზიას ახალი ხელმძღვანელი ჰყავს. მეუფე დიმიტრის გადაწყვეტილებით სასწავლო დაწესებულებას დეკანოზ გიორგი მამალაძის ნაცვლად, მღვდელი დანიელ სოლომონიძე უხელმძღვანელებს. გადაწყვეტილებას ახალი დირექტორი იმით ხსნის, რომ სკოლა ავტორიზაციას გადის და აუცილებელი იყო მას ჰყოლოდა ხელმძღვანელი. როგორც მღვდელი დანიელი ამბობს, თანამდებობაზე ის 22 თებერვალს დაინიშნა. შეგახსენებთ, რომ აღნიშნულ სასწავლებელს 2013 წლიდან დეკანოზი გიორგი მამალაძე ხელმძღვანელობდა, რომელიც 10 თებერვალს მკვლელობის მომზადების ბრალდებით დააკავეს. რაც შეეხება მღვდელ დანიელ სოლომონიძეს, ის ქობულეთის სოფელ ზედა სამებაში ყოვლადწმიდა სამების სახელობის ტაძრის წინამძღვარია.
1
s
s
s