11, აპრილი 2019 17:05:00
დიდგორის ქუჩაზე ჩოხარაძეების ოჯახი გამოსახლებას გადაურჩა. სააღსრულებლო პოლიციამ ამ ეტაპზე ოჯახში ერთ-ერთი წევრის მძიმე ჯანმრთელობის მდგომარეობა გაითვალისწინა. მრავალსულიანმა ოჯახმა მევახშისგან 13 000 ამერიკული დოლარი ისესხეს, თუმცა სრულად თანხის დაბრუნება ვერ შეძლეს. ჩოხარაძეების საცხოვრებელი აუქციონის წესით 5 000 ლარად გაიყიდა, რომელიც როგორც აქ ამბობენ, მევახშის მეუღლემ იყიდა. ჩოხარაძეებს საცხოვრებელს მევახშე იმ შემთხვევაში დაუბრუნებს თუ 26 000 $ გადაუხდის. ოჯახი სოციალურად დაუცველი სტატუსის მქონეა.