21, მარტი 2017 20:15:00
აჭარის კულტურული მემკვიდრეობის ზონალურმა საბჭომ ბათუმში მშენებლობასთან დაკავშირებული განაცხადები განიხილა. წარმოდგენილი 9 პროექტიდან საბჭომ დადებითად მხოლოდ 5 მიიჩნია. საბჭოს წევრების გადაწყვეტილებით, უარი ეთქვა ფიზიკურ პირს მერაბ ვერძაძეს, რომელიც 26 მაისის ქუჩაზე 8 სართულიანი კორპუსის მშენებლობას ითხოვდა, ასევე შპს „იბერიას“ მრავალბინიანი საცხოვრებელი სახლის რეკონსტრუქციაზე. ფარნავაზ მეფის 43-სა და ხულოს ქუჩაზე არსებულ შენობებთან დაკავშირებით კი კომისია რეკომენდაციით შემოიფარგლა. ორგანიზაცია „ბათომში“ კომისიის გადაწყვეტილებას ნაწილობრივ ეთანხმებიან, თუმცა ამავდროულად აცხადებენ, რომ დამტკიცებული პროექტების ცვლილებაზე კომისიამ დადებითი გადაწყვეტილების მიღებისას მეტი სიფრთხილე უნდა გამოიჩინოს.