26, აპრილი 2017 17:09:00
სოციალურად დაუცველ ოჯახებს, რომლებმაც სახელმწიფო ქონება 2010 წლამდე თვითნებურად დაიკავეს, ბინები საკუთრებაში გადაეცემათ. გადაწყვეტილება აჭარის მთავრობის თავმჯდომარემ მიიღო. ზურაბ პატარაძემ შესაბამისი დადგენილება უკვე გამოსცა. განცხადებებს სპეციალური კომისია შეისწავლის, რომელიც აჭარის ფინანსთა და ეკონომიკის სამინისტროში შეიქმნა. გამონაკლისია ის ნაგებობები, რომლებზეც დავა სასამართლოში გრძელდება. სიახლე არ ეხება ე.წ. „ოცნების ქალაქში“ მცხოვრებ მოქალაქეებს. როგორ აფასებენ, მთავრობის თავმჯდომარის ინიციატივას მესამე სექტორში, კანონმდებლები და თავად ის ოჯახები, რომლებსაც პატარაძის დადგენილების საფუძველზე სახელმწიფო ქონება საკუთრებაში გადაეცემა? თემაზე რეპორტაჟს დღის მთავარ გამოშვებაში შემოგთავაზებთ.