04, მაისი 2017 17:10:00
ხმაური იყო დღეს აჭარის უმაღლესი საბჭოს ბიუროს სხდომაზე. კამათის მიზეზი ბიუჯეტის პირველი კვარტლის შესრულების ანგარიშის კომისიებში განსახილველად ჩაშვება გახდა. გიორგი რომანაძის ინიციატივით, ბიუჯეტი გაერთიანებული კომისიების სხდომაზე უნდა განხილულიყო. ვადად 23 მაისი, საფინანსო კომისიისთვის კი 25 მაისი იყო გაწერილი. „ნაციონალური მოძრაობის“ წევრის განცხადებით, „ქართული ოცნება“ ამ გზით საქმეს იმარტივებს და ბიუჯეტის საფუძვლიანად განხილვას თავს არიდებს. სხდომაზე აზრთა სხვადასხვაობის მიზეზი გახდა ზოგადი განათლების შესახებ საქართველოს კანონში ცვლილებების შეტანის საკითხიც. ელგუჯა ბაგრატიონის მტკიცებით, კანონპროექტი სათანადოდ მომზადებული არ არის. ნაციონალური მოძრაობის წევრი საკითხის კომისიებში ხელახლა ჩაშვებასა და განხილვას ითხოვს.