24, მაისი 2017 20:05:00
ლიუბოვ სვისტუნოვამ შიმშილობა დაიწყო. ამ ფორმით იგი აჭარის პროკურატურის უმოქმედობას აპორტესტებს. მოქალაქე აცხადებს, რომ რვა თვის წინ მომხდარ თაღლითობაში იგი დაზარალებულად ოთხი თვის წინ სცნეს, გამოძიებამ დაადგინა დამნაშავის ვინაობაც, თუმცა პასუხისგებაში არ აძლევს. სვისტუნოვა აცხადებს, რომ პირს, ვის გამოც პროკურატურას მიმართა, პარტია „თავისუფალი საქართველოს“ თავმჯდომარე კახა კუკავა მფარველობს, რისი დადასტურებაც მისივე თქმით, სატელეფონო ჩანაწერით შეუძლია. ლიუბოვ სვისტუნოვა თავს თაღლითური სქემის მსხვერპლად მას შემდეგ მიიჩნევს, რაც ლომბარდიდან შეძენილი მანქანა წაართვეს და ვერც გადახდილ თანხას იბრუნებს. მან მანქანისთვის თანხა ჯერ ლომბარდში, შემდეგ კი მეპატრონეს გადაუხადა, თუმცა მანქანის მფლობელმა ქონება აღარ გადაუფორმა. ავტომანქანა ამჟამად შსს-ს საჯარიმო პარკირებაზეა.