ამ კარს იქით სათნოების სავანის 122 ბენეფიციარი ახალი წლის დასახვედრად ემზადება. რამდენიმე საათში, ლიდა ავაკოვა აქ მეცხრე ახალ წელს შეხვდება. ტრადიციას არ ღალატობს და ნაძვის ხეს ისევე გულმოდგინედ აწყობს, როგორც - წლების წინ, საკუთარ სახლში. არც სურვილის ჩაფიქრება ავიწყდება.
უკეთესი წლის მოლოდინით ნაძვის ხეს ბოლო შტრიხებით ალამაზებენ. მართალია, ყველა მათგანს ახალი წლის აღნიშვნა საკუთარ სახლში ურჩევნია, თუმცა სათნოების სავანესაც სახლად მიიჩნევენ. აქაც საერთო სურვილები აერთიანებთ.
საახალწო სამზადისი სავანეში რამდენიმე დღით ადრე იწყება. სტუმრების დასახვედრად რეპერტუარს საგანგებოდ არჩევენ. იწყება რეპეტიციები.
ამბობენ, რომ ყველაზე მეტად სწორედ სტუმრების მოსვლა და ყურადღება ახარებთ. მათ შორის არიან ისეთები, რომლებსაც განსაკუთრებით ელოდებიან.
საახლწლო ზეიმისთვის საკუთარი შესაძლებლობების მაქსიმუმს აკეთებენ. ბებოები და ბაბუები, თოვლის პაპასთან შესახვედრად, განსაკუთრებით ემზადებიან, ახალგაზრდობას იხსენებენ და წლების წინ ნასწავლ ლექსებსა და ცეკვებს იმეორებენ.
მძიმე პირადი ისტორიების მიუხედავად, მთავარი ნატვრა - არა პირად კეთილდღეობაზე ფიქრი, არამედ ქვეყანის ერთიანობა და მშვიდობაა.
უკეთესი მომავლის იმედს მათი წინამძღვარიც აძლევთ. მამა იოანეს სწამს, რომ 2017 წელი როგორც სახლის ბენეფიციარებისთვის, ისე საზოგაოდებისთვის გაცილებით უკეთეს იქნებაი, ვიდრე - 2016.
3
s
s
s