უნდა გაგიზიაროთ ამბავი, კიდევ ერთი გაჭირვებული ოჯახისა, რომელიც ქობულეთის მუნიციპალიტეტის, სოფელ ნაკაიძეებში ცხოვრობს. ქამადაძეები 6-ნი არიან, თუმცა არც ერთი მათგანი არ მუშაობს. აქვთ ჯანმრთელობის პრობლემები, სახლი კი ამორტიზებულია. სახლემწიფომ დახმარების ნაცვლად, მათ სოციალური დახმარება მოუსხნა. დღეს ჩვენი რეპორტიორის სატელეფონო ზარებს სოციალური მომსახურების სააგენტოში არ უპასუხეს.
თითქმის 4 ათეული წელია თამარ აბაშიძე ამ ხის ფიცრულში ოჯახის კიდევ 5 წევრთან ერთად ცხოვრობს. ქამადაძეებს უკიდურესად უჭირთ. სახლი სიძველისგან იმდენად ამორტიზებულია, რომ ნებისმიერ წუთს შეიძლება ჩამოიშალოს. ზამთარში წვიმა ჩადის, ქარში ირყევა, ზაფხულში კი სიცხის გამო გაჩერება შეუძლებელია.
ცოლ-ქმარი შვილთან და მცირეწლოვან შვილიშვილებთან ერთად ყოველდღიურობას შიშველი ხელებით ებძრვის. პრობლემები კი მრავლად აქვთ. არ მუშაობს ოჯახის არც ერთი წევრი. ერთადერთი შემოსავალი 100 ლარია, რომელსაც მძიმე ავადმყოფი, გურამ ქამადაძე სახელმწიფოსგან დახმარების სახით იღებს. მას გულის პრობლემები და შაქრიანი დიაბეტი აქვს. ს
ამ ყველაფერს ისიც ემატება, რომ ოჯახს სოციალური დახმარება არ აქვს. ფინანსური შემწეობა ქობულეთის მუნიციპალიტეტის სოფელ ნაკაიძეებში მცხოვრებლებს, 4 წლის წინ, მათთვის გაუგებარი მიზეზით მოუხსნეს. მას შემდეგ განაცხადი ბევრჯერ დაწერეს, თუმცა გადამოწმების შედეგად, რამდენიმე დღის წინაც, სახელმწიფოსგან კვლავ უარი და 70 ათასი ქულა მიიღეს. გურამ ქამადაძე ეჭვობს, რომ მიზეზი პოლიტიკური მოტივია.
პრობლემების ჩამონათვალი ამით არ სრულდება. ზამთრის მოახლოებასთან ერთად ქამადაძეები შიშობენ, რომ მათი სიცოცხლე საფრთხის ქვეშ დადგება, რადგან სახლის დამჭერი ბოძები სიძველისგან ნებისმიერ დროს შეიძლება ჩამოიშალოს.
სოციალური მომსახურების სააგენტოს ქობულეთის ფილიალში ჩვენს სატელეფონო ზარებს არ უპასუხეს. რამდენად საკმარისია 100 ლარი 6 წევრიანი ოჯახისთვის - კითხვაზე მუნიციპალიტეტის ხელმძღვანელობა, ადგილობრივი ხელისუფლება და სოციალური მომსახურების სააგენტო უნდა დაფიქრდეს.
7
s
s
s