27, ივნისი 2017 17:11:00
ადგილობრივი თვითმმართველობის არჩევნები ოქტომბრის მესამე კვირის ბოლოს გაიმართება. საქართველოს პრეზიდენტი არჩევნების დანიშვნის თაობაზე შესაბამის აქტს აგვისტოს ბოლოს გამოსცემს. ამის შესახებ გიორგი მარგველაშვილმა დღეს გამართულ პრესკონფერენციაზე ისაუბრა. პრეზიდენტის განცხადებით, გადაწყვეტილება პარტიებისთვის საარჩევნოდ მომზადებისა და გარკვეული საკანონმდებლო და საბიუჯეტო დეტალებში გაუგებრობის თავიდან ასაცილებლად იქნა მიღებული.