ხმაურით დაწყებული სხდომა ბათუმის საკრებულოში. აქტივისტებს და ოპოზიციას საკრბულოს თავმჯდომარისა და წევრებისგან ამბასადორი ბათუმის მშენებლობასთან დაკავშირებული პოზიციების მოსმენა სურდათ, თუმცა "მე მიყვარს ბათუმის" წევრებს დასწრების საშუალება არ მისცეს. სხდომის დეტალები სიუჟეტში.
ხმაური ბათუმის საკრებულოში ჯერ კიდევ მანამდე დაიწყო, ვიდრე სხდომა გაიხსნებოდა. დარბაზში შესვლის და სხდომაზე დასწრების უფლება "მე მიყვარს ბათუმის" წევრებს არ მისცეს. მათ "ამბასადორის" ირგვლივ კითხვები საკრებულოს თავმჯდომარესთან ჰქონდათ.
სიტყვიერი დაპირისპირება, სხდომათა დარბაზშიც გაგრძელდა. აქტივისტერბის დაშვება სხდომის გახსნისთანავე, თავმჯდომარეს, "ერთიანი ნაციონალური მოძრაობის" წევრმა, ლევან ანთაძემ მოსთხოვა.
მოთხოვნა არ დაკმაყოფილდა. ამიტომ, ლევან ანთაძემ კოლეგებს მიმართა. მათგან, ამბასადორის მშენებლობის საკითხზე პოზიციების მოსმენა სურდა. "ქართული ოცნების" გუნდის წევრება სცადეს, გამოსავალი, წარსულის გახსენებაში ეპოვათ.
ამ პასუხის შემდეგ, ანთაძემ დარბაზი დატოვა. რიგგარეშე საკითხებზე დღევანდელ სხდომაზე სხვა განცხადებებიც გაკეთდა. არჩილ მამულაძემ, ქალაქში დაზიანებულ ინფრასტრუქტურაზე ისაუბრა და დანიშნული მერის მოვალეობის შემსრულებელს რეაგირებისკენ მიუთითა.
ის რასაც დღის წესრიგის მიხედვით კენჭი უყარეს, კომისიების შემადგენლობებში ცვლილებები იყო. ბათუმის საკრებულომ თავმჯდომარის ახალი მოადგილეც აირჩია. ლაშა სირაბიძე, ხმათა აბსოლუტური უმრავლესობით, ნატალია ზოიძემ ჩაანაცვლა. პოზიციაზე იგი ერთადერთი დასახელებული კანდოდატი იყო. ადგილი თავისუფალი მას შემდეგ გახდა, რაც ლაშა სირაბიძე აჭარის უმაღლეს საბჭოში გადავიდა.
ბათუმის საკრებულოს მიერ მიღებული გადაწყვეტილებით, ამიერიდან ბათუმელების მასპინძლობას, მაჟორიტარი დეპუტატი საქართველოს პარლამენტში - რესან კონცელიძე მერიის ადმინისტრაციულ შენობაში შეძლებს.
4
s
s
s