საქართველოში, ტყეებს ქვეყნის ტერიტორიის 40%-ზე მეტი უჭირავს და ეკოლოგიისთვის სასიცოცხლოდ მნიშვნელოვანია. მიუხედავად ამისა, ხე-ტყის უკანონოდ ჭრის შესახებ ალბათ ხშირად გსმენიათ. შემთხვევათა რაოდენობა ციფრებში რომ მაღალია, ამაზე სხვა თუ არაფერი, ჩვენი სატელევიზიო არქივი მეტყველებს. რატომ ვერ აკონტოლებს პროცესს სახელმწიფო ან რა ახშირებს კანონის გვერდის ავლით ხე-ტყის მოპოვებას? ჩემი კოლეგა არკვევდა.
ტყის რესურსით უკანონო სარგებლობის- 168 ფაქტი 2020 წელს, ხოლო მიმდინარე წლის მხოლოდ პირველ კვარტალში ანუ დღემდე 38 შემთხვევა ფიქსირდება. აჭარის სატყეო სააგენტოში გვეუბნებიან, რომ რეგიონში არსებულ 150 ათას 117 კვადრატულ ჰექტარ ტყის ფონდს 2015 წელს შემუშავებული გეგმით მართავენ. რა წერია დოკუმენტში პრევენციის მიზნით? ჯუმბერ აბულაძე ამბობს, რომ პროცესის კონტროლში ხელი ხშირად ტყის მცველების არასაკმარისი რაოდენობის გამო ექმნებათ. უწყებას ამ ეტაპზე 106 ე.წ „რეინჯერი“ ჰყავს.
ხე-ტყის ჭრის ფაქტები რაოდენობრივად რომ ბევრია, ამაზე ეკოლოგებიც საუბრობენ, თუმცა ციფრებს მიღმა უფრო მძიმე რეალობას ხედავენ. კახა გუჩმანიძე ამბობს, რომ რეგიონში მწვანე საფარის დასაცავად ტყის მცველების არასაკმარისი რაოდენობაა. გარემოსდამცველის თქმით, პრობელემაა ისიც, რომ არსებობს ლენტური სახერხები, რასაც საერთო ჯამში უკანონო მოპოვების ფაქტებს ახშირებს.
ტყით უკანონო სარგებლობის ფაქტების პრევენცია, გამოვლენა და აღკვეთა გარემოსდაცვითი ზედამხედველობის დეპარტამენტის ერთ-ერთ ძირითად ფუნქციას წარმოადგენს. კანონდარღვევა სამართალდარღვევა კოდექსის 66-ე მუხლით კონტროლდება. რაც შეეხება გარემოსათვის მიყენებულ ზიანს - იგი 1000 ლარით ჯარიმდება.
რამდენად მკაცრია სახელმწიფოს კონტროლი ხე-ტყის უკანონო მოპოვებაზე? ან რატომ ვერ აწარმოებს ხელისუფლება სათანადო კამპანიას ფაქტების შესამცირებლად? გვსურდა სატყეო პოლიტიკის შეფასება აჭარის სოფლის მეურნეობის სამინისტროსგან მოგვესმინა, თუმცა დღეს კომუნიკაცია ვერ შედგა. თემაზე საუბარი არც აჭარის უღალესი საბჭოს აგრარულ კომიტეტში ისურვეს. რეგიონის 67 პროცენტამდე ტერიტორია ტყითაა დაფარული. აჭარის სატყეო სააგენტო 5 ადმინისტრაციულ ერთეულს და 16 სატყეოს აერთიანებს.
18
s
s
s