ნახეთ ვიდეო
2015 წლის 25 სექტემბერს, მსოფლიო იმისთვის შეიკრიბა, რომ გაეროს განვითარების ახალი დღის წესრიგი შეექმნათ. ნიუ იორკში გამართული მდგრადი განვითარების სამიტზე, მსოფლიო ლიდერებმა 17 გლობალური მიზანი შეიმუშავეს. განსაზღვრეს განვითარების 15 წლიანი პრიორიტეტების გეგმა. დოკუმენტის მიხედვით, 2030 წლის ბოლომდე, უკეთესი მომავლის მისაღწევად, სახელმწიფოებმა მიზნად ისეთი გამოწვევების დაძლევა დაისახეს, როგორიცაა სიღარიბე, შიმშილი, ჯანმრთელი ცხოვრება, მშვიდობა, სამართლიანობა, კლიმატური და ეკოლოგიურ პრობლემები და სხვა. ამბიციურ მიზნებს, პოლიტიკური მხარდაჭერა საქართველოს ხელისუფლებამაც გამოუცხადა. შესაბამისად, განსაზღვრულია საქართველოსთვის მისადაგებული ინდიკატორებიც, თუმცა ფაქტია, რომ მხოლოდ ბოლო ერთი წლის განმავლობაში, ქართულ პოლიტიკაში, გარდა დაპირისპირებებისა, ფაქტობრივად არაფერი ხდება. ია გოლიაძე მუშაობდა თემაზე.
იმ 17 მიზანს შორის, რომლებზეც გაეროს ყველა წევრი ქვეყანა შეთანხმდა, ყველაზე მნიშვნელოვანი სიღარიბის აღმოფხვრაა. იმისთვის, რომ უკეთეს სამყაროში ვიცხოვროთ, საქართველოს და მსოფლიოს მიაჩნია, რომ 2030 წლისთვის სიღარიბე არც ერთი ფორმით არ უნდა არსებობდეს და მოქმედებდეს ეფექტური სოციალური პროგრამები. ამ მიზნებამდე, რომ დიდი დროა ეს ქალაქსა თუ სოფლებში მარტივი შესამჩნევია. სოციალური ფონი ქვეყანაში ჯერ კიდევ მძიმეა. მხოლოდ 24 წლამდე ასაკის მოსახლეობის წილი, რომელიც სიღარიბის აბსოლიტურ ზღვარს მიღმაა, ოფიციალური მონაცემებით 23.4 პროცენტია, ანუ თითქმის მეოთხედი. ქუჩებში კი ასეთ სიტუაციას ხშირად შეხვდებით.
ერთად გლობალური მიზნების მისაღწევად, საქართველოს 192 ქვეყანასთან კიდევ, ერთი საერთო გეგმა აქვს. ეს შიმშილის აღმოფხვრაა. 2030 წლისთვის არავის უნდა შიოდეს, სურსათი უსაფრთხო , ხოლო კვება გაუმჯობესებული უნდა იყოს. ეს კი განსაკუთრებით ბავშვებს, დედებსა და დაუცველ ადამიანებს ეხება. შეძლებს თუ არა ჩვენი ქვეყანა ამ მიზნის სრულყოფილად შესრულებას მომდევნო 9 წლის განმავლობაში? პროგნოზის გაკეთება არ ჭირს, თუკი ამ კადრებს დააკვირდებით. მხოლოდ „ოცნების ქალაქში“ სიღატაკეში ძალიან ბევრი ბავშვი იზრდება.
კიდევ ერთი მიზანი, რომლის ირგვლივ მსოფლიო გაერთიანდა - ხელმისაწვდომი ჯანდაცვაა. ამაში უსაფრთხო მშობიარობა, ბავშვთა სიკვდილიანობის შემცირება, ხელმისაწვდომი მედიკამენტები და ვაქცინაცია მოიაზრება. ბოლო წლების განმავლობაში აჭარის ჯანდაცვის სამინისტრომ ბევრი ახალი პროგრამა შექმნა, ძველებიც დახვეწა და შედარებით გაამარტივა, რასაც ვერ ვიტყვით წამლების ხელმისაწვდომობასა და ვაქცინაციაზე. კორონაპანდემიამ გვაჩვენა, რომ ამ კუთხით ცოტას „მოვიკოჭლებთ“
გენდერულად თანასწორი გარემოს შექმნა კიდევ ერთი მიზანია, რომელიც სახელმწიფომ მომდევნო 9 წლის განმავლობაში უნდა შეძლოს. ბოლო 9 თვის განმავლობაში მოკლული 19 ქალი და 20 ქალის მკვლელობის მცდელობა, ფსიქოლოგიური, სექსუალური , ფიზიკური ძალადობა და დისკრიმინაცია, არასრულწლოვნების მიმართ გაზრდილი მძიმე დანაშაულები - მესამე სექტორი შემაშფოთებელ სტატისტიკაზე ჯერ კიდევ რამდენიმე დღის წინ საუბრობდა. არც თუ ისე ძველი, ჯერ კიდევ ტრაგიკულად გასახსენებელი ფაქტი - ქობულეთში, არასრულწლოვანი გოგოს სუიციდი - ამ შემთხვევაში ყველაფერს ამბობს. მეტყველებს სახელმწიფოს მიდგომებზეც.
2030 წლისთვის გაერთიანებული ერების ორგანიზაციას კიდევ 13 მიზანი აქვს შესასრულებელი. მათ შორისაა ხარისხიანი განათლება, სუფთა წყალი და სანიტარია, ღირსეული სამუშაო ეკონომიკური ზრდა. ამ და კიდევ სხვა გეგმებით გაერო უკეთესი და უფრო მდგრადი მომავლის შექმნას ცდილობს. შევძლებთ თუ ვერა მომდევნო 9 წლის განმავლობაში გეგმის შესრულებას? ამ სურათის გათვალისწინებით, პოზიტიური პროგნოზის გაკეთება, საკმაოდ რთულია.