13, ივლისი 2017 17:07:00
„საქართველოს ევროპული გზა - რეგიონული სტაბილურობის უზრუნველყოფა“ - თემაზე ბათუმში რიგით მე-14 საერთაშორისო კონფერენცია მიმდინარეობს. შეხვედრაზე ყურადღება გამახვილდა ევროპული დღის წესრიგის მთავარ საკითხებზე, მათ შორის, ევროპის უსაფრთხოების თანამედროვე არქიტექტურაზე, ასევე, ევროკავშირსა და მის ასოცირებულ პარტნიორ ქვეყნებს შორის თანამშრომლობის ახალ ფორმებზე და საქართველოს როლის მნიშვნელობაზე რეგიონალური სტაბილურობის უზრუნველყოფაში. დელეგატებს სიტყვით მიმართა, საქართველოს პრეზიდნეტმა, პრემიერ მინისტრმა და საქართველოს პარლამენტის თავმჯდომარემ. ქვეყნის პირველმა პირებმა აქცენტი საქართველოს ევროატლანტიკურ სივრცეში გაწევრიანების მიზნებსა და სტრატეგიეზე გააკეთეს. ასევე აღნიშნეს, რომ წლევანდელი კონფერენცია განსაკუთრებულია, იმით რომ პირველად ტარდება მას შემდეგ, რაც საქართველოს მოქალაქეებისთვის ევროკავშირში უვიზოდ მიმოსვლა ამოქმედდა. კონფერენცია ორდღიანია. მასში 400-ზე მეტი საერთაშორისო წარმომადგენელი მონაწილეობს. კონფერენციის ფარგლებში ხელი მოეწერა სამ ფინანსურ შეთანხმებას.