ქობულეთის საკრებულოს თავმჯდომარემ ქალაქის ცენტრალურ ნაწილში სასტურო სამშენებლო ნებართვის ააშენა. ფაქტი შეუმჩნეველი აღმოჩნდა მუნიციპალიტეტის მერიის ზედამხედველობის სამსახურისთვის. მერი 3 თვის წინ ამბობდა, რომ უკანონობაზე მკაცრ რეაგირებას მოახდენდა, თუმცა დღეს მირიან ქათამაძე ზედმეტად ლმობიერი აღმოჩნდა. თავად მჭედლიშვილი ფაქტს უარყოფს და ამბობს, რომ უძრავი ქონება მაშინ ააშენა, როცა ნებართვის გაცენა საჭიროებას არ წარმოადგენდა.
ქობულეთში, რუსთაველის 224 ნომრის მიმდებარედ აშენებული სასტუმრო „სიშელი“ საკრებულოს თავმჯდომარის ქონების ნუსხაშია. თავად უარყოფს, თუმცა დასტურდება, რომ ეს ის ობიექტია, რომელიც დავით მჭედლიშვილმა ქალაქის ცენტრალურ ნაწილში მშენებლობის ნებართვის გარეშე ააშენა და ექსპლუატაციაში გაუშვა. ეს მერიიდან გამოთხოვილი საჯარო ინფორმაცის საფუძველზე
ადგილობრივებს მშენებლობა ახსოვთ, თუმცა მის უკანონობაზე კითხვები არასდროს გასჩენიათ.
ნებართვის გარეშე აშენებული სასტუმრო, საკრებულოს თავმჯდომარის მიერ 2021 წელს შევსებული ქონებრივი დეკლარაციით დავით მჭედლიშვილის ოჯახის წევრზეა რეგისტრირებული. უძრავი ქონების ნაწილი ზაფხულობით ტურისტებზე ქირავდება. ყოფილი თანაგუნდელი „ერთიანი ნაციონალური მოძრაობიდან“ და დღეს უკვე ოპონენტი, ბონდო თედორაძე ამტკიცებს, რომ წარმომადგენლობითი ორგანოს ხელმძღვანელმა ტურისტული ობიექტი ოცნების მმართველობის პერიოდში უკანონოდ თანამდებობრივ სტატუსის და გავლენების გამოყენებით ააშენა.
ფაქტი ქობულეთის ზედამხედველობის სამსახურს არ შეუნიშნავს. 3 თვის წინ, როცა მერს მშენებლობის შესახებ კითხვა დავუსვით, მირიან ქათამაძემ ასე გვიპასუხა.
დღეს კი მუნიციპალიტეტის ხელმძღვანელმა პირი ზედმეტად ლმობიერი აღმოჩნდა. მირიან ქათამაძემ არ გვიპასუხა, როგორ ვერ შენიშნა მერიამ ქალაქის ცენტრალურ ნაწილში ნებართვის გარეშე აშენებული ტურისტული ობიექტი, რომელიც თანამდებობის პირის საკუთრებაშია.
დავით მჭედლიშვილი გაგვინაწყენდა. გვითხრა, რომ არასწორ ინფორმაციას ვავრცელებთ. რაც შეეხება ნებართვის გარეშე აშენებულ სასტუმროს, წარმომადგენლობითი ორგანოს ხელმძღვანელი გვიმტკიცებს, რომ ტურისტული ობიექტი იმ დროს ააშენა, როცა ნებართვის აუცილებლობა არ არსებობდა.
2021 წელს შევსებული დეკლარაციის მიხედვით სასტუმრო „სიშელი“ სახლადაა მითითებული, ობიექტის ფართობი კი 1560,5 კვ.მ.-ია . დავით მჭედლიშვილი ქობულეთის საკრებულოს თავმჯდომარე 2017 წლიდანაა. მანამდე საზოგადოებრივი კოლეჯის ,,ახალი ტალღის” დირექტორი იყო.
16
s
s
s