21, მაისი 2021 17:52:00
აჭარის უმაღლესი საბჭო და პარლამენტი გენდერულ საკითხებზე ითანამშრომლებენ. წარმომადგენლობითი ორგანოების გენდერული თანასწორობის საბჭოებს შორის მემორანდუმს ხელი დღეს მოეწერა. ურთიერთანამშრომლობის ხელშეკრულება ქალისა და კაცის თანაბარუფლებიანობისა და ქალთა უფლებების გაძლიერების საკითხებზე მუშაობის მიზნით გაფორმდა. ცერემონიისას გაჟღერდა, რომ თანამშრომლობის ორიენტირი ძალადობის ფაქტების პრევენციასთან ერთად, ეკონომიკური და პოლიტიკური კუთხით ქალთა გაძლიერება იქნება.