ვაქცინა რომ პანდემიისგან თავის დასაღწევად ერთადერთი გზაა, ამაზე მედიასაშუალებებს არაერთხელ გვისაუბრია, თუმცა იმუნიზაციის პროცესი ისევ ნელი ტემპით მიმდინარეობს. ქვეყანაში, კოვიდსაწინააღმდეგო აცრის 4 სახეობაა, მაგრამ ნაკლები აცრის მსურველი. თუ კი დღევანდელ სტატისტიკას გადავხედავთ, რეგიონის დონეზე, მოსახლეობის მხოლოდ 2.4%-ია ვაქცინირებული. რატომ არის კვლავ უნდობაა საზოგადოებაში და რა იყო იმუნიზაციის საინფორმაციო კამპანიის მთავარი სისუსტე?
ეს დღევანდელი მონაცემებია და აჭარაში არსებულ მდგომარეობას ასახავს. რეგიონში მცხოვრები 340 ათასამდე მოქალაქიდან დღეისთვის მხოლოდ 14 ათას 008 ადამიანია აცრილი. ეს კი ჯამში 2.4 %-ია. ფაქტია, რომ იმუნიზაციის პროცესი მთელი ქვეყნის მასშტაბით ნელი ტემპით მიმდინარეობს.
აცრის კამპანია რომ ჩავარდა, ამაზე მოქალაქეების დაბნეულობაც მეტყველებს. სოციალურ ქსელებში დაწერილი კომენტარებიდან ნათლად ჩანს, რომ მოქალაქეები ვაქცინაციასთან დაკავშირებულ ინფორმაციას ჯერ კიდევ ზეპირსიტყვიერად იღებენ. კიდევ ერთი დამაბნეველი აღმოჩნდა ჯანდაცვის სამინისტროს მიერ აპრილში ამოქმედებული საიტი, სადაც სპეციალური კითხვარი ივსებოდა მხოლოდ სტატისტიკური მონაცემების შესაგროვებლად. შესაბამისად, ადამიანების დიდმა ნაწილმა ისიც კი არ იცოდა, რომ წინასწარი რეგისტრაცია აცრას არ ჯავშნის. დიდმა ნაწილმა ისიც გვიან გაიგო, რომ ვაქცინის დასაჯავშნად სპეციალური პორტალი Booking .moh .gov .ge -ა შექმნილი.
რა იყო ვაქცინაციის საინფორმაციო კამპანიის მთავარი სისუსტე და რომელმა ფაქტორებმა იმოქმედა საზოგადოებრივ ნდობაზე? ჯანდაცვის ექსპერტი მიიჩნევს, რომ ერთ-ერთი პრობლემა სახელმწიფოსა და ხალხს შორის ვერშემდგარი კომუნიკაციაა.
ოპოზიციაში კიდევ რამდენიმე მიზეზს ხედავენ. „ერთიან ნაციონალურ მოძრაობაში“ მიაჩნიათ, რომ აცრის კამპანიის ჩავარდნა მედპერსონალის მოუმზადებლობამ და ლოჯისტიკურმა ხარვეზებმა განაპირობა. ლევან ანთაძე მეგი ბაქრაძის გარდაცვალების ამბავსაც იხსენებს. ამბობს, რომ ფაქტმა მოქალაქეებში ვაქცინის შიში დანერგა, რასაც შესაბამისი ახსნა განმარტება არ მოჰყოლია.
ვაქცინირებულ ადამიანთა რაოდენობაზე დაყრდნობით, შესაძლოა ვივარაუდოთ, რომ სახელმწიფომ აცრის კამპანია ვერ დაგეგმა. ერთადერთი, რაც ამ მიმართულებით დავინახეთ, ის არის, რომ იმუნიზაციის პროცესში მაღალჩინოსნები ერთვებიან. ამით მთავრობის წევრებს მოქალაქეების ჩართულობის გაზრდა სურთ. არის თუ არა ეს სწორი გათვლა ან რამდენად საკმარისია ეს ნაბიჯები ნდობის ასამაღლებლად? აჭარის საზოგადოებრივი ჯანდაცვის ცენტრში ამბობენ, რომ:
საქართველომ კოვიდ-19-ის ვაქცინის პირველი პარტია კორონავირუსის პირველი დადასტურებული შემთხვევიდან ერთი წლის თავზე,მარტის შუა რიცხვებში მიიღო. დაახლოებით 10 დღეში, ქვეყანაში ფაიზერი შემოვიდა. ამ ეტაპზე კი, აცრა უკვე სინოფარმითა და სინოვაკითაცაა შესაძლებელი. რამდენად მზად არიან მოქალაქეები ჩავარდნილი კამპანიის ფონზე, იმუნიზაციის პროცეში ჩაერთონ- ამაზე, კვლავაც ეს ციფრები მეტყველებს
1
s
s
s