24, ივნისი 2021 21:27:00
ჰაერის დაბინძურების უკონტროლო პროცესი ბათუმში. ქალაქში არსებული ერთადერთი ატმოსფერული ჰაერის მონიტორინგის სათბური შესაბამის კონტროლს ვერ ახორციელებს. ამაზე კი, ყველა მხარე თანხმდება. ეკოლოგები, ყურადღებას, ამ კუთხით მეტი მუშაობის საჭიროებასა და პასუხისმგებლობის გააზრებაზე ამახვილებენ. რატომ ვერ ასრულებს ქალაქის მერია 10 წლის წინ ნაკისრ ვალდებულებას? თემის დეტალებს სალომე უსტალიშვილი გიამბობთ.
მტვრის ნისლში ბათუმი, მაშინაც ეხვევა, როდესაც ქალაქში სამშენებლო სამუშაოები და გზის რეაბილიტაცია მიმდინარეობს. გამონაბოლქვის სუნს კი, იმ დროსაც იგრძნობთ, როდესაც კომენდანტის საათი იწყება და ავტომობილები მოძრაობას წყვეტს. ეს, მდგომარეობა იმ შემთხვევაში, არ იქნებოდა, მერიას ნაკისრი ვალდებულება, პირნათლად რომ შეესრულებინა.
ნაკისრი ვალდებულების, შესრულების მცდელობა რამდენჯერმე ჰქონდათ. ობიექტურობისთვის ისიც უნდა ითქვას, რომ ამისთვის მერიამ ქალაქში რამდენიმე, ელექტრო ავტობუსი შემოიყვანა, თუმცა იმისთვის, რომ თბური აირების co2-ის 20% პროცენტი შემცირებულიყო ეს საკმარისი არ აღმოჩნდა. ჯერ ვერა, თუმცა, არჩილ ჩიქოვანი ამბობს, რომ მერია ნაკისრ ვალდებულებას და 40%-იან მაჩვენებელს, 2030 წლამდე, მიაღწევს.
ბუნებრივია, ეს მხოლოდ მმართველი გუნდის პასუხმგებლობა არაა. რამდენად ახსენებს ოპოზიცია, მერიას, ნაკისრ ვალდებულებას? ნოდარ დუმბაძე აღირებს, რომ თემით, მხოლოდ, გასული წლების წინ დაინტერესდნენ, თუმცა, პირობას დებს, რომ ამას ყოველ ხელსაყრელ დროს გააკეთებს.
ოპოზიცია, სავარაუდოდ, სამომავლოდ მმართველ გუნდს ვალდებულებებს შეახსენებს, თუმცა როგორ აპირებს, ქალაქის თვითმმართველობა, მიზნის მიღწევას იმ ფონზე, როდესაც ბათუმში არსებული არაერთი საწარმოდან გამოყოფილი, მტვერი ჰაერში იფრქვევა. ეს კადრები რამდენიმე დღის წინაა გადაღებული. მომწამლავი ნივთიერებები გარემოში, თითქმის, ყოველდღიურად ეხვევა. ბათუმში არსებული, ერთი ავტომატური სადგური, რომ საწარმოებთან არსებულ ჰაერს ვერ განსაზღვრავს ამას ეკოლოგი კახა გუჩმანიძე გვიდასტურებს.
რამდენად საკმარია ქალაქისთვის, ერთი ატმოსფერული ჰაერის მონიტორინგის სათბური? კითხვით გარემოს ეროვნულ სააგენტოს მივმართეთ, აქ წერილობით გვიპასუხეს, რომ :
რაც, შეეხება ჰაერის ხარისხს, ჩამოთვლილი პრობლემების მიუხედავად, ამ ეტაპისთვის, ის დამაკმაყოფილებელია.