25, ივლისი 2017 14:10:00
ბათუმის მერიამ შარაბიძეების დასახლებაში ორი თვის წინ სპორტული მოედანი დაანგრია, თუმცა მის სანაცვლოდ ახალი სტადიონის მშენებლობა ამ დრომდე არ დაწყებულა. ადგილობრივები და "ერთიანი ნაციონალური მოძრაობის" წევრები ეჭვობენ, რომ მშენებლობა შეგნებულად ჭიანურდება, რადგან ტერიტორიაზე მოედნის სანაცვლოდ, შესაძლოა საცხოვრებელი კორპუსი ან სავაჭრო ობიექტი აშენდეს. აღნიშნულ ფაქტს უარყოფენ ბათუმის მერიაში და განმარტავენ, რომ შარაბიძეების დასახლებაში ახალი, თანამედროვე სტანდარტების სტადიონის მშენებლობასთან დაკავშირებით გამოცხადებულ ტენდერში გამარჯვებულ კომპანიასთან ხელშეკრულება უკვე გაფორმებულია და სამუშაოები რამდენიმე დღეში დასრულდება.