უანალოგო ნივთების ოსტატი ქედიდან. გაგაცნობთ რესან ჟოჟაძეს, დურგალს აჭარის მაღალმთიანეთიდან, რომელმაც ყველაფერი მცირედით დაიწყო და მალევე საყვარელ საქმიანობად აქცია. სათამაშოები, საყოფაცხოვრებო თუ სამშენებლო დანიშნულების ნივთები- შეკვეთებს მრავლად იღებს. სამომავლოდ დიდი გეგმები აქვს. შესაძლოა მისი ნაკეთობები საერთაშორისო ბაზარზე აღმოჩნდეს.
ბუნებრივი მასალისგან დამზადებულ უანალოგო ნივთებზე, ბოლო შტრიხებს ის შტამი სვამს, რაზეც საკუთარი ინიციალი, გვარი და დამზადების ადგილია ამოტვიფრული. სამუშაო პროცესში, იდეების პარალელურად განხვავებული და უანალგო ნივთებიც, ხშირად, ჩნდება. მინიმალური დანახარჯით, მაქსიმალურ შედეგზეა ორიენტირებული. ეს რესან ჟოჟაძეა, დურგალი ქედიდან.
მუშაობა რამდენიმე კვადრატულ ფართზე მოწყობილ იმ შენობაში დაიწყო, რომელსაც არსებობის ნახევარ საუკუნეზე მეტი ხნის ისტორია აქვს. მისი პირველი ნკეთობა - ხის სათამაშოც ბავშვობასა და ამ საწარმოს უკავშირდება. სათამაშოები მალე საყოფაცხოვრებო ნივთებმა, თუ სამშენებლო დანიშნულების კარ-ფანჯრებმა შეცვალა.
ამბობს რომ რადენიმე წლიანი პროფესიული ვარდნაც ჰქონდა. საყვარელ საქმეს კი, პანდემიის დროს მიუბრუნდა და აქცენტი საჯახო ჭურჭელზე გადაიტანა, ბოლო პერიოდია სამკაულებსაც აკეთებს. აქვს ხისგან დამზადებული საათებიც. განსაკუთებთ კი უანალოგო ნივთები უყვარს.
მისი ძირითადი მომხმარებელი დედაქალაქიდანაა. აჭარის მთიანეთში დამზადებულ ნივთებს მომხმარებლებს ფოსტით უგზავნის. შესაძლოა, მისი ხის ნაკეთობები მალე გერმანიასა და ამერიკაშიც გავიდეს სარეალიზაციოდ, რაშიც დახმარებას ქართველი ემიგრანტები ჰპირდებიან.
გაზრდილი მოხმარების ფონზე, ქედელი ოსტატი წარმოების გაფართოების მიზნით სპეციალურად შენობასაც აწყობს. ნაგებობა რომელიც სავარაუდოდ 4 სართულიანი იქნება, ხეზე მუშაობით დაინტერესებულ ვიზიტორებსაც უმასპინძლებს. ამ სახით, სახელოსნოს, ტურისტული დატვირთვაც ექნება. შესაბამისი ბანერები, სოფელთან დამაკავშირებელ გზაზე, მალე განთავსდება.
ქედელი ოსტატი წარმოებაში სპეციალურ თაგებს არ იყენებს. მისი ყველა ნაკეთობა ინდივიდუალურია და აქცენტსაც უანალოგო და ინდივიდუალურ ნივთებზე აკეთებს.