25, ოქტომბერი 2021 14:01:00
იუსტიციის მინისტრის თქმით, N18 სამკურნალო დაწესებულების ინფრასტრუქტურა სააკაშვილის მისაღებად სრულად გამართულია. ყოფილი პრეზიდენტი, პროტესტის ნიშნად, 24-ე დღეა შიმშილობს. მისი ადვოკატები პატიმრის სამოქალაქო მრავალპროფილურ კლინიკაში გადაყვანას ითხოვენ. მათი თქმით, ციხის საავადმყოფოში სათანადო დიაგნოსტიკური აღჭურვილობა არაა. უფლებადამცველების განცხადებით, ექსპრეზიდენტის ჯანმრთელობის მდგომარეობა მძიმეა და ციხის საავადმყოფოში მისი უსაფრთხოება დაცული ვერ იქნება.