26, ნოემბერი 2021 20:46:00
ბიუჯეტი დამტკიცებულია. მთავარ ფინანსურ დოკუმენტზე გადაწყვეტილება, იმ საკრებულომ მიიღო, რომელსაც ლეგიტიმაციის რამდენიმე დღე აქვს დარჩენილი. გამოდის, რომ ახალი მოწვევის დეპუტატებს, წარმომადგენლობითი ორგანოს წინა მოწვევამ, მომდევნო ოთხი წლის მთავარ ფინანსურ დოკუმენტზე პასუხისმგებლობა, მონაწილეობის გარეშე დააკისრა. სხდომა, დიდი წინააღმდეგობის მიუხედავად მაინც შედგა.
იმისთვის, რომ 2022 წლის ბიუჯეტი ძველ მოწვევის საკრებულოს დაემტკიცებინა, სულიკო თებიძემ, ცხრა ნოემბერს, ბიუჯეტის პროექტისა და პროირიტეტების განხილვის ვადები გააუქმა. ოპოზიციაში ამბობენ, რომ ის, რაც დღეს „ქართულმა ოცნებამ“ იკადრა, არ შერჩებათ და მომდევნო ოთხი წლის მანძილზე, არჩილ ჩიქოვანსა და მმართველი გუნდის დეპუტატებს დისკომფორტს შეუქმნიან.
სხდომაზე დასწრების სურვილი, ოპოზიციის ახალი მოწვევის დეპუატეტბს სურვილად დარჩათ, თუმცა, ბიუჯეტის პროექტის განხილვაზე დასწრება, უპრობლემოდ მოახერხეს „ქართულ ოცნების“ წევრმა დეპუტატებმა.ოპოზიციაში ამბობენ, რომ ქალაქის მთავარი ფინანსური დოკუმენტის მიღების მსგავსი პრეცენდენტი არასდროს ყოფილა და არჩილ ჩიქოვანს ხალხის ფულის საკუთარ ნებაზე განკარგვის უფლებას არ მისცემენ.
რას აპირებს ოპოზიცია და როგორია ხელისუფლების ოპონენტების სამოქმედო გეგმა? ამბობენ, რომ მიზნის მისაღწევად და გადაწყვეტილების არალეგიტიმურად ცნობისთვის, ყველა, ლეგიტიმურ ფორმას გამოიყენებენ.
ბათუმის გარდა, ბიუჯეტი, ძველი მოწვევის საკრებულომ, ზუგდიდშიც დაამტკიცა. სადაც, ანალოგიური ვითარება იყო. დეპუტატებს ბიუჯეტის დამტკიცება, სიტყვიერი და ფიზიკური დაპირისპირების ფონზე მოუხდათ.