12, ოქტომბერი 2017 14:01:00
ბათუმის დელფინარიუმში ორდღიანი საერთაშორისო სემინარი მიმდინარეობს. თბილისის ზოოპარკის, ილიას სახელმწიფო უნივერსიტეტის და ჰოლანდიელი მეცნიერების მონაწილეობით სემინარზე ზღვის ძუძუმწოვრების დიაგნოსტიკა და ეკოლოგია განიხილება. სემინარის მიზანი შავი ზღვის ძუძუმწოვრების პოპულაციის კვლევა, დაავადებების კონტროლი და დიაგნოსტიკის მიმართულების განვითარებაა. ასევე ქართველ სპეციალისტებს წამყვანი ჰოლანდიელი პათანატომები და ვეტექიმები გამოცდილებას გაუზიარებენ.