06, ნოემბერი 2017 14:06:00
ურეხის სოციალურ სახლში ეკომიგრანტებს ბინები გადაეცათ. საცხოვრებელი ფართებით სულ 23 ოჯახი დაკმაყოფილდა. ბენეფიციარები ხელვაჩაურის მუნიციპალიტეტის სოფლებში მცხოვრები ოჯახები არიან, რომლებიც გამგეობაში შექმნილმა სპეციალურმა კომისიამ შეარჩია. უწყებაში ჯამში სულ 100-მდე განაცხადი შევიდა. აჭარის მთავრობის თავმჯდომარის განცხადებით, ეკომიგრანტებისთვის, რომლებიც ამ ეტაპზე საცხოვრისებით ვერ დაკმაყოფილდნენ, კიდევ ერთი სოციალური სახლის აგებაა დაგეგმილი. ურეხში სოციალური სახლის მშენებლობისთვის მილიონ 432 ათას 786 ლარი დაიხარჯა.