07, ნოემბერი 2017 14:07:00
აჭარის სოფლის მეურნეობის სამინისტროს ახალი ლოგო აქვს. კონკურსში გამარჯვებულ ლოგოზე გამოსახულია აჭარაში ცნობილი სამეურნეო კულტურები, როგორც ბარაქიანი მოსავლის სიმბოლო და ნორჩი ე.წ. ულვაში, რომელიც აჭარის რეგიონში რიგ სამეურნეო კულტურას ახასიათებს, გამოსახავს განვითარებას და ისწრაფვის ზევით, მზისკენ, ნათელი მომავლისკენ, ხოლო წრეში ჩაწერილი აჭარის სოფლის მეურნეობის სამინისტრო ზრუნავს მეურნეობის კეთილდღეობასა და განვითარებაზე. გამარჯვებული ევგენი ზახაროვია, ის კომისიის წევრებმა 6 აპლიკანტს შორის აარჩიეს. სამინისტრო მას 1000 ლარს გადასცემს.