2007 წლის 8 ნოემბრის სტუდენტების აქციის დარბევიდან 10 წელი გავიდა. მაშინ ბსუ-სა და საზღვაო აკადემიის სტუდენტები 7 ნოემბერს თბილისში მშვიდობიანი მანიფესტაციის დარბევის გაპროტესტებას 12 საათისთვის აპირებდნენ, თუმცა სპეციალური დანიშნულების რაზმი სასწავლებელში 2 საათით ადრე შეიჭრა და სტუდენტებს ხელკეტებით გაუსწორდნენ. გამოიყენეს მხუთავი აირიც. დაშავდა ათეულობით ახალგაზრდა, მათ შორის - ფეხმძიმე გოგონაც. სტუდენტების დარბევის მიზეზად ქვეყანაში საგანგებო მდგომარეობის მოქმედება დასახელდა, თუმცა ღამის პირველ საათზე გამოცხადებული საგანგებო რეჟიმის შესახებ ინფორმაციას სტუდენტებისა და ლექტორების ნაწილი არ ფლობდა. პროცესებს შინაგან საქმეთა სამინისტროს აჭარის მთავარი სამმართველოს მაშინდელი უფროსი, დავით ბედია პირადად ხელმძღვანელობდა. საქმე 10 წლის შემდეგაც გამოუძიებელია.
1
s
s
s