09, ნოემბერი 2017 17:01:00
ხელოვნების მუზეუმში მხატვარ ლევან ურუშაძის გამოფენა „ინტერპრეტაცია“ გაიხსნა. საგამოფენო დარბაზში 27 ნახატი და ერთი ინსტალაციაა წარმოდგენილი. ხელოვანის განმარტებით, სხვადასხვა თემატიკაზე შექმნილი ნამუშევრები საქართველოში დაბრუნების შემდგომ პერიოდს მოიცავს. აღნიშნული გამოფენა კი საკუთარ იუბილესთან დაკავშირებით დაგეგმა. ხელოვნების მოყვარულებს ნამუშევრების ნახვა 25 ნოემბრის ჩათვლით შეეძლებათ.