09, ნოემბერი 2017 20:03:00
მომავალი წლიდან საქართველოს უმაღლესი საგანმანათლებლო დაწესებულები ავტორიზაციას განახლებული სტანდარტებით გაივლიან. ახალი, ევროპულთან თავსებადი ავტორიზაციის სტანდარტებისა და პროცედურების მიხედვით მოსამზადებელი სამუშაოები ბათუმის სახელმწიფო უნივერსიტეტში უკვე ჩატარდა. სასწავლებელში ექსპერტთა ჯგუფმა ორი დღის განმავლობაში საპილოტე ინსტიტუციური შეფასება განახორციელა. ექსპერტთა ჯგუფს ლინგვისტი ლუსია ჩოკი ხელმძღვანელობდა. მისი შეფასებით ბსუ ახლოს დგას ევროპულ სტანდარტებთან, თუმცა რიგი საკითხები გამოსასწორებელია. გაივლის თუ არა უნივერსიტეტი ავტორიზაციას ახალი სტანდარტებით ხვალ გახდება ცნობილი, თუმცა პროცედურები მხოლოდ მოსამზადებელ ხასიათს ატარებს.