14, ნოემბერი 2017 17:05:00
ბათუმის ბულვარის გედების ტბას ახალი ბინადრები ჰყავს. განახლებულ ზოოკუთხეს ექვსი სახეობის, სულ 28 ფრინველი დაემატა. თავი მოიყარა ისეთმა ეგზოტიკურმა ჯიშებმა, როგორებიცაა, ე.წ. მანდარინკა, კაროლინკა, წითელი იხვი, იხვი ამლაყი, ამერიკული წითელი იხვი და მთის ბატი. წყალმცურავი და დეკორატიული ფრინველები „ბათუმის ბულვარის“ ადმინისტრაციამ ტენდერის გზით, ჰოლანდიიდან შემოიყვანა. გედების ტბის განახლება ადმინისტრაციას 25 000 ლარი დაუჯდა. აქ არ გამორიცხავენ, რომ სულ რამდენიმე თვეში ახალმა ფრინველებმა გამრავლებაც დაიწყონ. ბათუმის ბულვარის ზოოკუთხეს დღეის მდგომარეობით სულ 166 ბინადარი ჰყავს, მათ შორისაა თუთიყუშები, ფარშევანგები, გედები, ციცარი, ორბი და სხვა.
4
s
s
s