ჩაქვის მოსახლეობის ნაწილს ორი დღეა ინტერნეტი არ მიეწოდება, მიზეზად ყოფილი პრემიერის მიერ შეძენილი ხის ტრანსპორტირება სახელდება. მოსახლეობა აცხადებს, რომ კონკრეტული თარიღი როდის აღსდგება ქსელის მიწოდება უცნობია. სავარაუდოდ, გზის სავალ ნაწილზე განთავსებული ბანერის გადაჭრაც მაგნოლიის ტრანსპორტრირებას უკავშირდება. აღნიშნული ბანერი ორი დღეა გზისპირას დევს. კომპანია „ზიმოს“ დირექტორი აცხადებს, რომ ინტერნეტის მიწოდების შეწყვეტას მათ მიერ წარმოებულ სამუშაოებთან საერთო არაფერი აქვს. ირაკლი შანავა ამბობს, რომ იმ შეფერხებებზე, რაც ხის გადატანას შეიძლება მოჰყოლოდა კომპანია წინასწარ იყო შეთანხმებული უფლებამოსილ უწყებებთან - სარკინიგზო მიმოსვლა დღის 13 დან 16 საათამდე ,,საქართველოს რკინიგზასთან“ შეთანხმებით შეჩერდა, რკინის კონსტრუქციის მოჭრაც კომპანია ,,აჯადთან“ იყო შეთანხმებული. კომპანიის წარმომადგენელი კი ბანერის აღების სხვა მიზეზებზე საუბრობს. ხის გადატანის შედეგად დაზიანდა რამდენიმე გარე- განათების ბოძიც, რომლის აღდგენაც გადამზიდავმა კომპანიამ საკუთარ თავზე აიღო.
40
s
s
s