06, მარტი 2018 14:03:00
ბათუმში 23 წლამდე ახალგაზრდებს შორის, ბერძნულ-რომაულ ჭიდაობაში საქართველოს ჩემპიონატი მიმდინარეობს. ახალი ჩემპიონების ვინაობა დღეს გახდება ცნობილი. სპორტსმენები ფინალურ შეხვედრებში 10 წონით კატეგორიაში იასპარეზებენ, საიდანაც 6 ახალგაზრდა აჭარის წარმომადგენელია. გამარჯვებულები სავარაუდოდ მიმდინარე წლის ივლისში, სტამბულში დაგეგმილ ევროპის ჩემპიონატში მიიღებენ მონაწილეობას. შეჯიბრი დღეს სრულდება, ვრცელ რეპორტაჟს ცხრის ნახევარზე ნახავთ.