13, თებერვალი 2017 08:18:00
ხიხანის ქუჩის მაცხოვრებლებმა აჭარის მთავრობის სახლთან აქცია გამართეს . შეკრებილები ხელისუფლებისგან ,,საქართველოს სახელმწიფო ელექტროსისტემასთან“ შუამდგომლობას ითხოვდნენ. აქციის მონაწილეების ტერიტორიაზე მაღალი ძაბვის ელექტროსადენების სამონტაჟო სამუშაოების შეჩერებას იმ დრომდე ითხოვენ, ვიდრე სასამართლო საბოლოო გადაწყვეტილებას არ გამოიტანს. მოგვიანებით, ხიხანის მცხოვრებლებს მთავრობის აპარატის თანამშრომლები დახურულ კარს მიღმა შეხვდნენ. აქციის მონაწილეების განმარტებით, მთავრობამ ისინი სასამართლოსკენ გადაამისამართა. აღნიშნულ საკითხზე მთავრობის აპარატში განცხადებას არ აკეთებენ. შეგახსენებთ, რომ ადგილობრივები ბათუმი-ახალციხის მიმართულებით მაღალი ძაბვის ელექტროგადამცემი სისტემის სამონტაჟო სამუშაოებსა და კომპენსაციის ოდენობას აპროტესტებენ. მათივე მტკიცებით, სამხარაულის ექსპერტიზის დასკვნით კვადრატული მეტრი მიწის ფართობი 35 დოლარი ღირს, „სახლემწიფო ელექტროსისტემა“ კი მათ 7-დან 20 ლარამდე უხდის.