12, აპრილი 2018 14:08:00
"ევროპული საქართველო" ბათუმის მერიას კორუფციულ გარიგებაში ადანაშაულებს. რაულ თავართქილაძის თქმით, უწყების მიერ გამოცხადებულ დახურულ ტენდერში, რომელიც ვეტერანთა საკურორტო - სარეაბილიტაციო მომსახურების შესყიდვას ითვალისწინებს, იმ კომპანიამ გაიმარჯვა, რომელიც ტენდერის გამოცხადებამდე 10 დღით ადრე დარეგისტრირდა და მას არანაირი გამოცდილება აღნიშნული საქმიანობის მიმართულებით არ გააჩნია. თავართქილაძის თქმით, კომპანია „ვილფორთი“ ერთადერთი იყო, რომელმაც ტენდერში მონაწილეობა მიიღო და უპირობოდ გაიმარჯვა.