14, აპრილი 2018 20:55:00
14 აპრილს საქართველოში დედაენის დღე აღინიშნება. 1978 წელს საქართველოს მოსახლეობამ, ინტელიგენციის წარმომადგენლებთან ერთად მასობრივი გამოსვლა მოაწყო და წინ აღუდგა საბჭოთა კავშირის გადაწყვეტილებას, საქართველოში ქართული ენის, როგორც სახელმწიფო ენის გაუქმების შესახებ. დედაენის დღე ბათუმში ტრადიციულად ილია ჭავჭავაძის ძეგლთან აღინიშნა. აღმასრულებელი და საკანონმდებლო უწყებების წარმომადგენლებმა ძეგლი ყვავილებით შეამკეს. პირველი საჯარო სკოლის მოსწავლეებმა კი ღონისძიება გამართეს და ქართული ენის მნიშვნელობაზე ისაუბრეს.