ბარათაშვილისა და მემედ აბაშიძის ქუჩების კვეთაში არსებული სასტუმროდან სახელწოდება ფაშა მედეა ჩამოხსნილია. ყოფილი სასტუმრო პრეზიდენტ პლაზას ნაცვლა ფაშა მედეა – გუშინ გაჩნდა. მას საზოგადოების პროტესტი მალევე მოყვა. მიუხედავად იმისა, სასტუმროსთვის სახელის დარქმევის საკითხი კანონით არ რეგულირდება და ობიექტის მფლობელი კერძო კომპანიაა, აჭარის მთავრობის თავმჯდომარემ დღეს განაცხადა, რომ მოლაპარაკებებს აწარმოებენ და ახალი სახელწოდების მიზანშეწონილობასთან დაკავშირებით კომპანიის წარმომადგენლებთან ერთად იმსჯელებენ. შენობის ფასადზე სარემონტო სამუშაოები რამდენიმე თვის წინ დაიწყო. სასტუმრო შპს პრეზიდენტ პლაზა ჰოტელ, 2017 წლის 16 ოქტომბერს, 10 წლიანი იჯარით შპს ფაშა გლობალ ინვესტმენტმა აიღო. მცდელობის მიუხედავად, ობიექტის ხელმძღავნელობას ვერ დავუკავშირდით.
2
s
s
s