14, აპრილი 2018 20:43:00
,,აკვარიუმი“- ასე ჰქვია გამოფენას, რომელიც ბათუმის თანამედროვე ხელოვნების სივრცეში გაიხსნა. ნამუშევრები ახალგაზრდა ქართველ ხელოვანს, სალომეა ბაუერს ეკუთვნის. ფერწერული შემოქმედება, ძირითადად ადამიანის ემოციებს ასახავს. როგორც მხატვარი ამბობს, ნამუშევრებში მისთვის ახლო ადამიანების ისტორიები აქვს გადმოცემული. თითოეული ტილოს სახელწოდება კი გმირების ბიოგრაფიების ასოციაციაა. გამოფენა 8 მაისამდე გაგრძელდება.