14, აპრილი 2018 20:39:00
რა გზებითაა შესაძლეებლი ბრძოლა აზიურ ფაროსანას წინააღმდეგ, როგორ უნდა შევამციროთ მავნებლისგან მოსალოდნელი ზიანი და დავიცვათ სხვადასხვა კულტურის მოსავალი - ამ და სხვა, მოსახლეობისთვის საინტერესო შეკითხვებს უპასუხეს დღეს გარემოს დაცვისა და სოფლის მეურნეობის სამინისტროს საინფორმაციო-საკონსულტაციო ცენტრის წარმომადგენლებმა. მავნებელთან ბრძოლის სახელმწიფო პროგრამის ფარგლებში, ფაროსანასთან ბრძოლის მიზნით, სამეგრელოს, გურიის, იმერეთის და აჭარის იმ მუნიციპალიტეტებში, სადაც გავრცელებულია მავნებელი, სპეციალური ტექნიკით, სამანქანე და სატრაქტორო აგრეგატების და ავიაციის მეშვეობით 110 ათას ჰექტარამდე ფართობი, საკარმიდამო ნაკვეთი და დიდი მასივები შეიწამლა. მოსახლეობის ინფორმირებულობისა და ჩართულობის მიზნით მსგავსი შეხვედრები სისტემატურ ხასიათს მიიღებს.