14, თებერვალი 2017 11:38:00
შაჰინის სკოლა-ლიცეუმის მხარდასაჭერად დღეს სკოლაში ,,ნაციონალური მოძრაობის“ ქალთა ორგანიზაციის წევრები მივიდნენ. ისინი ხელისუფლებას განათლების ხარისხის ეროვნულ ცენტრთან შუამდგომლობისკენ მოუწოდებენ და მოითხოვენ, რომ მოსწავლეებს სასწავლო წლის დასრულების შესაძლებლობა მიეცეს. პარტიის წევრები სკოლა-ლიცეუმის პედაგოგებს შეხვდნენ, მათი განმარტებით, მთავრობა ვალდებულია გაითვალისწინოს შაჰინის სკოლა-ლიცეუმში დასაქმებულთა მდგომარეობა და მათ ალტერნატიული დასაქმების გზა შესთავაზოს. შაჰინის სკოლა-ლიცეუმში სასწავლო პროცესი გუშინ ლიცენზიის შეჩერების შესაბამისი აქტის გამოქვეყნების საფუძველზე შეწყდა. თბილისის საქალაქო სასამართლომ სკოლის ადმინისტრაციის სარჩელი წარმოებაში დღეს მიიღო.