14, თებერვალი 2017 08:25:29
მკვლელობის მომზადების ბრალდებით დაკავებული დეკანოზი გიორგი მამალაძის ოჯახის წევრები კონტაქტზე ამ დრომდე არ გამოდიან. რას ფიქრობენ პროკურატურის მიერ გავრცელებულ დაკავების ვერსიაზე და ენდობიან თუ არა ისინი გამოძიებას? ამ კითხვებზე პასუხები კვლავ უცნობია. დეკანოზის დედა გუშინ ამბობდა, რომ კომენტარს დღეს გააკეთებდა, თუმცა მედიასთან განცხადებებისგან დღეს თავი შეიკავა. სასულიერო პირის მეზობლებისთვის დაკავების მოტივი დაუჯერებელია.