26, მაისი 2018 20:42:00
საქართველოს დამოუკიდებლობის 100 წლის იუბილე მიულოცეს ფესტივალის, ოქროს დელფინის მონაწილეებმა. ისინი ბათუმის ცენტრალურ პარკში დილიდანვე შეიკრიბნენ. ფესტივალს საქართველო, მეთვრამეტედ მასპინძლობს. მასში წელს 13 ქვეყნის 2 000-მდე მონაწილეა ჩართული. ადგილობრივებთან ერთად, სხვადსხვა ქვეყნის ტრადიციულ სამოსში გამოწყობილმა მონაწილეებმა ეროვნული ფოლკლორული და ქორეოგრაფიული ნომრები შეასრულეს. კულტურულ ღონისძიებებთან ერთად მოეწყო გამოფენა-გაყიდვაც. სტუმრებმა, ბათუმის ქუჩებში, საზეიმო მსვლელობაშიც მიიღეს მონაწილეობა.