28, მაისი 2018 14:27:00
თავდასხმის შედეგად დაჭრილი ქალის ჯანმრთელობის მდგომარეობა კრიტიკულად მძიმეა. 32 წლის პაციენტი ამ დრომდე ბათუმის საერთაშორისო ჰოსპიტალის რეანიმაციულ განყოფილებაში რჩება და იგი მართვით სუნთქვაზეა. მას უკვე გაუკეთდა ოპერაცია თავზე და ფილტვზე. მედიკოსები პოსტოპერაციული გართულებების საფრთხესაც არ გამორიცხავენ. შემთხვევა აღმაშენებლის ქუჩაზე ერთ-ერთი საცხოვრებელი კორპუსის ლიფტში, გუშინ საღამოს მოხდა. ქალს ბასრი იარაღით მრავლობითი ჭრილობა მიაყენეს. შინაგან საქმეთა სამინისტრომ გამოძიება „სისხლის სამართლის კოდექსის“ 19-108 მუხლით დაიწყო, რაც განზრახ მკვლელობის მცდელობას გულისხმობს.