08, ივნისი 2018 14:08:00
ქედაში გაზიფიცირების პროცესი გრძელდება. ამ ეტაპზე სამუშაოები მახუნცეთის ტერიტორიაზე მიმდინარეობს. აჭარის მთავრობის პრესცენტრის ცნობით, ქედის 65 კილომეტრიან მონაკვეთზე გაზიფიცირება 2019 წლის გაზაფხულის ნაცვლად, ერთ თვეში დასრულდება. გაზსადენი, რომლის საერთო სიგრძე 65 162 მეტრია, ბუნებრივი აირით სამ მუნიციპალიტეტს: ხელვაჩაურს, ქედასა და შუახევს უზრუნველყოფს. პროექტი პირველ ეტაპზე 11 000 აბონენტის გაზიფიცირებას უზრუნველყოფს. სამუშაოების ღირებულება 25 850 000 ლარს შეადგენს.