20, თებერვალი 2017 20:30:00
თბილისის საქალაქო სასამართლომ შაჰინის სახელობის სკოლა-ლიცეუმის სარჩელი წარმოებაში მიიღო, თუმცა მოთხოვნა ადმინისტრაციულ-სამართლებრივი აქტის მოქმედების შეჩერების თაობაზე არ დააკმაყოფილა. სკოლის დირექტორი აცხადებს, რომ 12 დღის ვადაში ისინი კვლავ აპირებენ სასამართლოსთვის აღნიშნული მოთხოვნით მიმართვას. ელგუჯა დავითაძის განმარტებით, სკოლის ადმინისტრაცია მუშაობას აგრძელებს და იმედს გამოთქვამს, რომ მომავალში სკოლა ფუნქციონირებას სრულყოფილად შეძლებს. შეგახსენებთ, შაჰინის სახელობის სკოლა-ლიცეუმში სასწავლო პროცესი 13 თებერვალს, განათლების ხარისხის უზრუნველყოფის საბჭოს მიერ გამოქვეყნებული დადგენილების საფუძველზე შეწყდა.