30, აგვისტო 2018 20:37:00
30 აგვისტოს მსოფლიო უგზო-უკვლოდ დაკარგულთა დღეს აღნიშნავს. ამ დღესთან დაკავშირებით, ბათუმში, შესაბამისი სახელობის სკვერში, უგზო უკვლოდ დაკარგულების ოჯახის წევრები შეიკრიბნენ და მემორიალი ყვავილებით შეამკეს. ღონისძიების მიზანი, დაკარგული ადამიანებისთვის პატივის მიგება და მათი ოჯახების მხარდაჭერაა. ოფიციალური ინფორმაციით, საქართველოში, 1990 – 2008 წლებში, შეიარაღებული კონფლიქტების შედეგად, 2 ათას 400 - ზე მეტი ადამიანია გაუჩინარებული. უგზო - უკვლოდ დაკარგულთა საერთაშორისო დღის აღნიშვნა 1983 წლიდან, საქართველოში კი 2011 წლიდან იღებს სათავეს.