ავარიული საცხოვრებელი თამარის დასახლებაში. ამორტიზებულ სახლში 30-მდე ოჯახი ცხოვრობს. მოქალაქეების ყოველდღიურობა საფრთხის შემცველ გარემო და მძიმე სოციალური პირობებია. რატომ არ ჩათვალა საჭიროდ ბათუმის მერიამ შენობის რეაბილიტაცია, რომელსაც საძირკველი , ჭერი და კედლები დაზიანებული აქვს?
ბზარები კედლებზე, ამორტიზებული კიბე, ჩამოცვენილი ბათქაში, ჩამონგრეული ჭერი - ეს თამარის დასახლებაში მდებარე საცხოვრებელი კორპუსია. ადგილობრივები გვიყვებიან რომ, წლიდან წლამდე მდგომარეობა გაუსაძლისი და სიცოცხლისთვის საფრთხის შემცველი ხდება. დაზიანებულია სახლის ფუნდამენტიც. აქ მცხოვრებლები ყვებიან, რომ პერიოდულად თავიანთი ძალებით ცდილობენ საძრიკვლის გამაგრებას, რაც დიდ ხარჯებთანაა დაკავშირებული.
თამარის დასახლებაში მცხოვრებლები ირწმუნებიან, რომ პრობლემასთან დაკავშირებით, ბათუმის მერიას განცხადებით არაერთხელ მიმართეს. უწყებამ ჩათვალა, რომ სახლი სარეაბილიტაციო სამუშაოებს არ საჭიროებს.
ბათუმის მერიაში ირწმუნებიან, რომ თამარის დასახლებაში მცხოვრებლების პრობლემებს მიმდინარე წლის ბოლომდე მოაგვარებენ. უწყებაში განმარტეს, რომ ამ ეტაპზე სამხარაულის ექსპერტიზის დასკვნას ელოდებიან, რის შედეგადაც გადაწყდება თუ რა სახუს სამუშაოები ჩაუტარდება საცხოვრებელნკორპუსს.
თამარის დასახლება სახლი 22#-ში 30-მდე ოჯახი ცხოვრობს, რომელთა უმეტესობა სოციალურად დაუცველია.
2
s
s
s