გიორგი მურვანიძე ბათუმის მერიის სტრუქტურული ერთეულების ხელმძღვანელებს შეხვდა

ბათუმის მერის მოვალეობის შემსრულებელი გიორგი მურვანიძე მერიის სტრუქტურული ერთეულების ხელმძღვანელებს შეხვდა. ინფორმაციას ამის შესახებ ბათუმის მერია ავრცელებს.

"შეხვედრის ფარგლებში, სამსახურის ხელმძღვანელებმა მიმდინარე პროექტებზე, პროგრამებზე და სამოქმედო მიმართულებებზე მიაწოდეს ინფორმაცია. ასევე, განიხილეს სამომავლო გეგმები და ინიციატივები, რომლებიც მოქალაქეთა საჭიროებებს ითვალისწინებს."-წერია გავრცელებულ ინფორმაციაში. 

ცნობისთვის, ბათუმის მერის მოვალეობის შემსრულებლად გიორგი მურვანიძე, სულხან თამაზაშვილმა დღეს წარადგინა. გუშინ, არჩეულმა მერმა, არჩილ ჩიქოვანმა პოსტი ფეისბუქ პოსტით დატოვა.