წართმეული შემოდგომა და ყვითელი ფერი, რომელსაც ბათუმში იშვიათად თუ შევხვდებით. ჩვენ დღეს ქალაქის მასშტაბით ვიმოგზაურეთ და აღმოვაჩინეთ, რომ ბათუმში ფოთოლმცვენი ხეების აშკარა დეფიციტია. აშკარა დეფიციტი იგრძნობა ს ყვითელი ფოთლებისაც, რომელიც ეკოლოგიის ექსპერტების და სპეციალისტების მტკიცებით ნიადაგისთვის სასიცოცხლოდ მნიშვნელოვან შემადგენელ კომპონენტს წარმოადგენს. იქ სადაც ფოთლები ცვივა, სანდასუფთავება ტერირორიას ასუფთავებს. ამას კი მოქალაქეები აპროსტესტებენ. რატომ გვართმევს თვითმმართველობა შემოდგომის განცდის შესაძლებლობას? ყვითელი ფოთლების დეფიციტი, გია ყანჩელის სამშობლოდან
ეს ბერლინია. ეს კი ჩეხეთი. ამ სურათზე ნიუ-იორკის შემოდგომას ხედავთ. წელიწადის ეს დრო და მისი მახასიათებლები ამ ფოტოებზეც კარგად იგრძნობა. ის, რის გამოც ადამიანებს შემოდგომა უყვართ, შეღებილი ბუნება, ფოთოლცვენა და პლანეტის ერთგვარი გარდასახვაა.
ეს კი ბათუმია. შემოდგომა, რომელიც ქუჩებში ხშირ შემთხვევაში ცარიელი ხეების ამარაა დარჩენილი. ქალაქში მცხოვრებლებს ფოთოლცვენით სიამოვნების მიღების შესაძლებლობა წართმეული აქვთ.
ანა ღოღობერიძე ერთ-ერთი იმათგანია, ვისაც ბუნების ამ საჩუქრით ტკბობის შესაძლებლობა ხშირ შემთხვევაში არ აქვს, რადგან ბათუმში მცირე რაოდენობითაა ფოთოლმცვივანი ხეები.
კიდევ ერთი სამოქალაქო აქტივისტი, რომელიც ქალაქს წარმეულ შემოდგომას აპროტესტებს გულნარა ლეფსაიაა. წელიწადის ამ დროს ღვთისმშობლის შობის საკათედრო ტაძართან ხშირად მიდის, რადგან ფიქრობს, რომ აქ შემოდგომა ყველაზე კარგად იგრძნობა. იმის გამო, რომ ტერიტორიას სანდასუფთავების თანამშრომლები ფოთლებისგან ასუფთავენებ, სიამოვნების მიღების საშუალება არ ეძლევა.
სანდასუფთავების სამსახურის თანამშრომლები ამბობენ, რომ დავალებას ხელმძღვანელობისგან იღებენ.
იგივეს იმეორებენ სანდასუფთავების სამსახურშიც. ირკვევა, რომ მოქალაქეების ცნობიერების ამაღლების კუთხით არ მუშაოებენ. ქუჩებში ყვითელი ფოთლები კარგია, თუმცა ორგანიზაციის დირექტორის მოადგილის თქმით, ქვეყანაში რომანტიზმის ამ დონისთვის ჯერ არ მიუღწევიათ.
გარემოს დამცველები კი ფოთოლცვენის მნიშვნელობაზე საუბრობენ. არჩილ გუჩმანიძე შესაბამის უწყებებს რეკომენდაციებს აძლევს.
ის, რომ ფოთოლს ნიადაგისთვის სასიცოცხლო მნიშვნელობა აქვს - ამაზე დარგის სპეციალისტიც საუბრობს. იზოლდა მაჭუტაძე ამბობს, აუცილებელია ისეთი ხეივნების მოწყობა, სადაც ფოთოლმცვივანი ხეები დაირგვება.
რატომ არის ქალაქში ფოთოლმცვივანი ხეების დეფიციტი? და რატომ ართმევს ბათუმის მერია მოქალაქეების შემოდგომის განცდის შესაძლებლობას? ქალაქი, რომელშიც შემოდგომაზე ყვითელი ფოთლის ნახვა ჭირს, გია ყანჩელის სამშობლოშია.